Yig‘ilish kun tartibiga muvofiq, mahalliy budjet daromadlari ijrosining joriy holati, qo‘shimcha daromad manbalari va ichki rezervlarni aniqlash borasida amalga oshirilgan ishlar, shuningdek soliqlar va boshqa majburiy to‘lovlar kesimida budjetga hisoblangan mablag‘larning amaldagi tushumi hamda mavjud soliq qarzdorligini qisqartirish yuzasidan ko‘rilayotgan choralar muhokama qilindi. 

Mazkur masala yuzasidan tuman Soliq inspeksiyasining hisoboti tinglanib, bildirilgan taklif va mulohazalar asosida tegishli tavsiyalar berildi. 

Kun tartibidagi masala bo‘yicha tegishli qaror loyihasi ishlab chiqilib, ko‘rib chiqish va tasdiqlash uchun Xalq deputatlari Oltinsoy tuman Kengashining navbatdagi sessiyasi muhokamasiga kiritish tavsiya etildi.