ОИЛАВИЙ МАСАЛАЛАР ЎРГАНИЛИБ, МУРОСАГА ЭРИШИЛДИ

Халқ депутатлари Янгиқўрғон тумани Кенгаши депутати Боймирзаев Улуғбек Муҳаммадович томонидан сайлов округида фуқаролар мурожаатлари асосида оилавий масалалар жойига чиққан ҳолда ўрганилди.

Ўрганиш жараёнида оилада юзага келган келишмовчиликлар сабаблари атрофлича таҳлил қилиниб, ҳар икки томоннинг фикр-мулоҳазалари тингланди. Муаммонинг келиб чиқиш сабаблари юзасидан ҳуқуқий ва маънавий тушунтиришлар берилди.

Шунингдек, оила муқаддаслиги, ўзаро ҳурмат ва бағрикенглик муҳитини мустаҳкамлаш, фарзандлар тарбиясида масъулиятни ошириш борасида тавсиялар берилди.

Олиб борилган суҳбат ва тушунтириш ишлари натижасида томонлар ўзаро келишувга эришиб, оила яраштирилди.

Депутат томонидан бундай ҳолатларда муаммоларни ўз вақтида ҳал этиш, оилаларда соғлом маънавий муҳитни сақлаш муҳим экани таъкидланди.