Xalq deputatlari Jondor tumani Kengashiga 2-Aleli saylov okrugidan saylangan deputat Z.Shomurodova, tuman Kengashi kotibiyati mudiri I.Xolov hamda kotibiyat bosh mutaxassisi R.Murodovlar hamkorligida Aleli mahalla fuqarolar yig‘ini hududida joylashgan Xo‘jalik oilaviy shifokorlik punkti faoliyati o‘rganildi.

✔️O‘rganish jarayonida aholiga tibbiy xizmat ko‘rsatish sifati, dori-darmonlar bilan ta’minlanganlik darajasi, shifokor va o‘rta tibbiyot xodimlarining ish samaradorligi, shuningdek, bemorlarga xizmat ko‘rsatishdagi navbatlar va tashkiliy masalalarga alohida e’tibor qaratildi.

✔️Mutasaddilar tomonidan OSHPda aholi murojaatlari o‘z vaqtida ko‘rib chiqilayotgani, profilaktik tadbirlar muntazam tashkil etilayotgani qayd etildi.O‘rganishda yangi bino qurib foydalanishga topshirilgunga qadar OSHP o‘z faolityatini Aleli mahallasi ma’muriy binosida vaqtinchalik faoliyat ko‘rsatayotganligi, sifatli xizmat ko‘rsatish uchun imkoniyatlar cheklanganligi, moddiy-texnika bazasi yetishmasligi holatlari kuzatildi. 

✔️Shuningdek, aholi bilan muloqot o‘tkazilib, ularning tibbiy xizmatdan qoniqish darajasi o‘rganildi. Fuqarolar tomonidan bildirilgan taklif va mulohazalar inobatga olinib, mas’ul tashkilotlarga tegishli ko‘rsatmalar berildi.

✔️Mazkur o‘rganishdan ko‘zlangan asosiy maqsad – aholiga sifatli va o‘z vaqtida tibbiy xizmat ko‘rsatilishini ta’minlash, mavjud muammolarni bartaraf etish hamda soha samaradorligini yanada oshirishdan iborat.