Xalq deputatlari Ishtixon tumani Kengashining 2026-yil 6-apreldagi VII-20-31-7-95-K/26-son qarori bilan “Tashabbusli byudjet” jarayonlarini tashkil etish va moliyalashtirish tartibiga yangi o‘zgartirish va qo‘shimchalar kiritildi.

Mazkur qaror fuqarolar tomonidan ilgari suriladigan loyihalarni yanada adolatli, shaffof va tezkor ko‘rib chiqish hamda ularni moliyalashtirish imkoniyatlarini kengaytirishga xizmat qiladi.

Endilikda:

🔹 “Ochiq byudjet” orqali berilgan loyihalarni baholash va saralash tartibi takomillashtiriladi;

🔹 g‘olib bo‘lgan loyihalarni moliyalashtirish jarayoni yanada aniq va ochiq bo‘ladi;

🔹 fuqarolar tashabbuslari sheriklik asosida birgalikda moliyalashtirilishi mumkin bo‘ladi;

🔹 loyiha tashabbuskorlari, homiylar va tashkilotlar birgalikda ishtirok etib, ko‘proq loyihalarni amalga oshirish imkoniyati yaratiladi;

🔹 “Tashabbusli byudjet” jarayonida ishtirok etuvchi ishchi komissiyalar tarkibi va vakolatlari yangilanadi.

❔ Bu fuqarolar uchun nimani anglatadi?

✅ endi ko‘proq loyiha moliyalashtirilishi mumkin;

✅ birgina byudjet mablag‘i bilan cheklanib qolmay, qo‘shimcha sheriklik mablag‘lari ham jalb qilinadi;

✅ fuqarolar ovoz bergan loyiha bajarilmay qolib ketmasligi uchun yangi imkoniyat yaratiladi;

✅ barcha jarayonlar Kengash qarori asosida nazorat qilinadi.

Eng muhimi, bu o‘zgarishlar orqali “Tashabbusli byudjet” endi yanada kuchli huquqiy asosga ega bo‘ldi. Fuqarolar tashabbusi, ovozi va takliflari Xalq deputatlari Ishtixon tumani Kengashi qarori bilan qo‘llab-quvvatlanadi va amalda bajarilishiga xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)