Mehnatobod mahalla fuqarolar yig‘inida aholi bilan o‘tkazilgan uchrashuv davomida fuqarolarni uzoq yillardan buyon qiynab kelayotgan yo‘l muammolari joyiga chiqib o‘rganildi.

O‘rganishlar natijasida Osiyo va Xushnud ko‘chalarining ayrim qismlari qoniqarsiz holatda ekani, ayniqsa yog‘ingarchilik kunlarida ushbu hududlarda harakatlanish ancha mushkullashishi aniqlandi.

Mazkur muammolarni bartaraf etish maqsadida Xalq deputatlari Toshloq tuman Kengashi deputati G.Sobirova tomonidan Mehnatobod mahalla fuqarolar yig‘inidagi Osiyo ko‘chasining oxirgi qismi hamda Xushnud ko‘chasini shag‘allashtirish yuzasidan tegishli tashkilotga deputat so‘rovi yuborildi.