ДЕПУТАТ САЙЛАЎШЫЛАРЫ МЕНЕН УШЫРАСТЫ

Қарақалпақстан Республикасы Жоқарғы Кеңесиниң 2026-жыл 6-апрель күнги оныншы сессиясының қарарына муўапық Қарақалпақстан Республикасы Жоқарғы Кеңесиниң депутаты, ӨзХДП фракциясы ағзасы Б.Утамбетова тәрепинен Республикамызда әмелге асырылып атырған реформалар ҳаққында кең жәмийетшиликке жеткериў ҳәм сайлаўшылардың мүрәжатларын тыңлаў мақсетинде "Ҳәким-ата" ҳәм "Қызыл жар" аўыл пуқаралар жыйынындағы сайлаўшылар менен ушырасыўы болып өтти.

Ушырасыўда депутат Б.Утамбетова 2026-жылдың I шереги даўамында әмелге асырылған депутатлық искерлиги ҳәм Президентимиздиң  Қарақалпақстан Республикасы ушын өз алдына қабыл етилген қарар ҳәм пәрманлары, әҳмийетли ҳүжжетлер тийкарында халықтың абадан турмысын тәмийинлеў бойынша әмелге асырылып атырған кең көлемли илажлар ҳаққында түсиниклер берди.

Ушырасыў даўамында депутат тәрепинен сайлаўшылардың мүрәжатлери тыңланып, шешими бойынша тийисли ўазыйпалар белгилеп алынды.