Xalq deputatlari tuman Kengashining 11-Mustaqillik saylov okrugi deputati N. Halilova tomonidan saylov okrugidagi “Ko‘xnaqo‘rg‘on” mahallasida xotin-qizlarni qo‘llab-quvvatlash borasida amalga oshirilayotgan ishlar joyiga chiqqan holda o‘rganilib, ularning samaradorligi tahlil qilindi.

➡️O‘rganish jarayonida 2026 yil uchun “Ayollar daftari”ga jami 182 nafar xotin-qiz kiritilgani ma’lum bo‘ldi. Shundan 30 nafari ishsizlik, 7 nafari tadbirkorlik va 20 nafari uy-joy ta’miri masalalari bo‘yicha ro‘yxatga olingan.

Deputat tomonidan olib borilgan o‘rganish davomida ishsiz sifatida ro‘yxatga olingan 30 nafar xotin-qizdan 7 nafari ish bilan ta’minlangani, tadbirkorlik yo‘nalishidagi 4 nafar xotin-qizga jami 166 mln so‘m miqdorida imtiyozli kredit mablag‘lari ajratilgani qayd etildi.

➡️Shuningdek, xotin-qizlarga tibbiy, huquqiy va psixologik yordam ko‘rsatish ishlari reja asosida tashkil etilgani, 1 nafar xotin-qizga himoya orderi berilgani aniqlandi. 2026 yilning 1-choragida ajrim holatlari qayd etilmaganligi aniqlandi.

O‘rganish davomida xotin-qizlarni qo‘llab-quvvatlash, ularning muammolarini bartaraf etish yuzasidan amaliy ko‘maklar ko‘rsatilgan.

🟢O‘rganish yakunlari bo‘yicha deputat tomonidan mas’ullarga tegishli tavsiyalar berildi hamda ushbu yo‘nalishdagi ishlar tizimli ravishda davom ettirilishi alohida ta’kidlandi.