Paxtakor tumani Oltinko'l mahallasida joylashgan, Obodonlashtirish boshqarmasi balansidagi 2 ta ko‘p qavatli xonadonlarning kanalizatsiya tarmoqlari tozalandi. Ushbu ish deputat Mamanova Karomatning murojaati va tashabbusi bilan amalga oshirilib, aholining kundalik yashash sharoitlarini yaxshilashga xizmat qildi.

Tozalash ishlari natijasida suv oqimi tiklandi, noqulay holatlar bartaraf etildi va xonadonlarda sanitariya sharoiti yaxshilandi. Bu esa hududdagi aholining qulay yashash muhitini ta’minlash va infratuzilma xizmatlarini samarali ishlashiga yordam berdi.