Халқ депутатлари Янгиқўрғон туман Кенгаши депутати Мутавалиев Олимхон Умриллаевич томонидан сайлов округи ҳудудида жойлашган 60-сонли ОШП фаолияти ўрганилди.

Ўрганиш жараёнида тиббиёт муассасасида аҳолига яратилган шарт-шароитлар, тиббий хизмат кўрсатиш сифати, ходимлар фаолияти ҳамда мавжуд муаммо ва камчиликлар атрофлича кўздан кечирилди.

Шунингдек, аҳолини бепул дори воситалари билан таъминлаш ҳолати ҳам алоҳида ўрганилиб, мазкур йўналишдаги ишлар таҳлил қилинди.

Аниқланган муаммоларни бартараф этиш, тиббий хизмат сифатини янада ошириш ҳамда аҳолига кўрсатилаётган хизматларни яхшилаш юзасидан тегишли таклифлар билдирилди.