Zomin Tuman Kengashi raisi D.Begmatova tomonidan hududda yoshlarga oid davlat siyosatining amaldagi ijrosi yuzasidan monitoring tadbirlari tashkil etildi. 

Mazkur tadbirlar “Yoshlarga oid davlat siyosati toʻgʻrisida”gi Oʻzbekiston Respublikasi Qonuni talablarining joylarda qanday amalga oshirilayotganini o‘rganishga qaratildi.

Monitoring davomida yoshlarning bandligini ta’minlash, ularning bo‘sh vaqtini mazmunli tashkil etish, ta’lim va kasb-hunar egallashi uchun yaratilgan sharoitlar, shuningdek, ijtimoiy qo‘llab-quvvatlash masalalari atroflicha tahlil qilindi. Hududdagi ta’lim muassasalari, yoshlar markazlari hamda mahallalarda olib borilayotgan ishlar joyiga chiqib o‘rganildi.

O‘rganishlar yakuni bilan aniqlangan kamchiliklar Xalq deputatlari Zomin tuman Kengashining "Ijtimoiy soha, yoshlar siyosati, madaniyat va sport" masalalari bo‘yicha doimiy komissiyasi yig‘ilishi muhokamasiga kiritilishi ta’kidlandi.