Xalq deputatlari Qashqadaryo viloyati Kengashi deputatlarining 2026-yil davomida hokim o‘rinbosarlari bilan hamkorlikda saylangan okruglarda o‘tkazilayotgan uchrashuvlari tasdiqlangan reja-grafik asosida izchil davom etmoqda.

Navbatdagi uchrashuvda Kengash raisi I. Xushmurodova, viloyat Kengashi deputatlari D. Shodmonov, A. Bazarov, F. Eshankulovalar hamda viloyat hokimining o‘rinbosari F. Kushakov ishtirok etib, saylovchilar bilan ochiq va samimiy muloqot olib borishdi.

Uchrashuv ko‘tarinki ruhda, faol savol-javoblarga boy tarzda o‘tdi. Eng muhimi, fuqarolar o‘zlarini qiynayotgan muammolar, taklif va tashabbuslarini bevosita mas’ullarga yetkazish imkoniga ega bo‘lishdi.

📌 Amaliy natijalar:

🔺Fuqaro Amirova Luiza tomonidan ish bilan ta’minlash masalasida bildirilgan murojaat shu joyning o‘zida ijobiy hal etilib, u 26-davlat maktabgacha ta’lim tashkilotiga ishga joylashtirildi.

🔺 Fuqaro Eshmominov Do‘stbekning IT va huquq yo‘nalishidagi bilim va sertifikatlariga mos ish so‘rab qilgan murojaati ham e’tiborsiz qoldirilmadi. Qamashi tumani 4-saylov okrugi deputati Umarova Sojida tomonidan o‘zi ta’sis etgan o‘quv markaziga ishga qabul qilindi.

Shuningdek, uchrashuv davomida ko‘plab fuqarolarga:

🔺 kredit olish jarayonlari va hujjatlarni to‘g‘ri rasmiylashtirish bo‘yicha amaliy tushuntirishlar berildi

🔺 joyida hal etilishi mumkin bo‘lgan masalalar tezkor tartibda ko‘rib chiqildi

🔺 viloyat darajasida yechim talab etadigan muammolar yuzasidan deputatlik so‘rovlari yuborilishi ta’kidlandi

Bu kabi uchrashuvlar — xalq bilan ochiq muloqot qilish, ularning dardini eshitish va eng muhimi, amaliy yechimlar topishning muhim platformasidir.

Tadbirlarni tashkil etishga mas’ullar:

Xalq deputatlari viloyat Kengashi kotibiyati bosh mutaxassislari F.Siddiqov, U.Bozorov