Murojaat e’tiborsiz qolmaydi: “Yangi kuch” mahallasidagi ichimlik suvi masalasi nazoratga olindi

Saylovchilar bilan o‘tkazilgan navbatdagi uchrashuvda “Yangi kuch” mahallasi, “Yangi kuch madaniyati” ko‘chasi aholisidan bir necha bor takroriy murojaatlar tushdi. Mazkur ko‘chada yashovchi fuqarolarimiz uzoq vaqtdan buyon toza ichimlik suvi muammosidan qiynalib kelishmoqda

Inson hayoti uchun eng zarur bo‘lgan ushbu masala bo‘yicha deputatlik vakolatim doirasida tegishli tashkilotlarga deputat so‘rovi yuborildi.

So‘rovda quyidagilar talab qilindi:

✅ Suv tarmog‘ini tortish bo‘yicha loyiha muddatlarini aniqlash;

✅ Joriy yilgi dasturlarga ushbu ko‘chani kiritish;

✅ Muammoning amaliy yechimi bo‘yicha aniq muddatlarni belgilash.

Xalqning ishonchi — biz uchun eng oliy mukofot. Masala to‘liq yechimini topgunga qadar nazoratimizda bo‘ladi.