ICHKI YO‘LLAR HOLATI DEPUTAT NAZORATIDA

Xalq deputatlari Uzun tumani Kengashi deputati S.Toxirov tomonidan navbatdagi o‘rganish ishlari olib borildi.

Ma’lumki, O‘zbekiston Respublikasi Vazirlar Mahkamasining 2024-yil 11-oktabrdagi 665-sonli qarori ijrosini ta’minlash hamda tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash choralari belgilangan. Ushbu vazifalar doirasida 2025-yilning 3-aprel kuni xalq deputatlari Uzun tumani Kengashining VII-7-32-8-118-K/25-sonli qarori qabul qilingan edi.

O‘rganish jarayonida:

Deputat S.Toxirov "Yangi ro‘zg‘or" MFY hududidagi ichki ko‘chalarda olib borilgan asfaltlashtirish ishlarining sifati va hajmini ko‘zdan kechirdi.

Aholi uchun yaratilgan qulayliklar, yo‘llarning bugungi holati va belgilangan reja asosida bajarilgan ishlar tahlil qilindi.

Mahalla faollari bilan muloqot qilinib, yo‘llarni saqlash bo‘yicha jamoatchilik nazoratini kuchaytirish masalalari muhokama etildi.

Hududlarda yo‘llarni ta’mirlash va obodonlashtirish ishlari qat’iy deputatlik nazorati ostida davom etmoqda.