Pop tumanidagi Mustaqillik MFY hududida fuqarolar tomonidan bildirilgan murojaat asosida o‘rganish ishlari olib borildi.

Mazkur o‘rganish jarayonida O'zbekiston Respublikasi Oliy Majlis Qonunchilik Palatasi deputati N.Sultonov hamda Xalq deputatlari tuman Kengashi deputatlari Sh.Ergasheva va U.Sayfiddinova ishtirok etdilar.

Murojaatda hududda ayrim haydovchilar shaxsiy transport vositalarining tartibsiz ravishda, belgilangan joylardan tashqarida qo‘yib yo‘lovchi tashish bilan shug‘ullanayotganligi sababli aholi uchun noqulayliklar yuzaga kelayotgani ta’kidlangan.

O‘rganish davomida holat joyiga chiqib ko‘rib chiqildi hamda tegishli tartib-intizomni ta’minlash yuzasidan targ‘ibot ishlari olib borildi.

Ushbu holatlar yuzasidan tegishli tashkilotlarga so‘rovlar yuborilib, muammoni ijobiy hal etilishi nazoratga olinishi bo‘yicha fuqarolarga tushuntirildi.