Mahalliy Kengashlarning ijtimoiy tarmoqlardagi faoliyatini samarali tashkil etish bo‘yicha seminar o‘tkazildi

✅ Xalq deputatlari Surxondaryo viloyati Kengashi hamda Demokratik jarayonlarni tahlil qilish markazi Surxondaryo viloyati hududiy bo‘linmasi tomonidan “Mahalliy Kengashlarning ijtimoiy tarmoqlardagi faoliyatini samarali tashkil etish” mavzusida amaliy seminar-trening tashkil etildi.

✅ Tadbirda Xalq deputatlari Sherobod tuman Kengashi kotibiyati mudiri O. Tursunov va ijtimoiy tarmoqlar bo‘yicha mas’ul mutaxassis S. Safarov ishtirok etdi.

✅ Seminar davomida Kengashlar faoliyatini ijtimoiy tarmoqlarda to‘g‘ri va samarali yoritish, aholi bilan ochiq muloqotni yo‘lga qo‘yish hamda axborotlarni tezkor va xolis yetkazish masalalari muhokama qilindi. Shuningdek, deputatlik faoliyati, sessiyalar va doimiy komissiyalar ishlarini mazmunli va tizimli yoritish bo‘yicha amaliy tavsiyalar berildi.

✅ Tadbirda ijtimoiy tarmoqlarda faol va mazmunli ishlash orqali Kengashlar faoliyatini aholiga yaqinlashtirish, ularning ochiqligini ta’minlash va fuqarolar ishonchini mustahkamlashning ahamiyati alohida ta’kidlandi.

✅ Seminar yakunida axborot siyosati va media ishlarini yanada takomillashtirish, ijtimoiy tarmoqlar orqali aholi bilan muloqotni kuchaytirishga qaratilgan amaliy taklif va tavsiyalar ishlab chiqildi.

✅ Ushbu tadbir mahalliy Kengashlar faoliyatining oshkoraligi va aholi bilan samarali muloqotini mustahkamlashga xizmat qilmoqda.