Mazkur uchrashuvda tuman Kengashi deputati Akrom Bo‘tayev, mahalla yettiligi a’zolari, tuman Ichki ishlar bo‘limi xodimlari hamda sohaga mas’ul tashkilot vakillari ishtirok etdilar.

Uchrashuv davomida mahalla infratuzilmasini yanada yaxshilash, hududdagi mavjud muammolarni aniqlash va ularni bartaraf etish choralari muhokama qilindi. Xususan, yoshlar o‘rtasida jinoyatchilikning oldini olish, profilaktik tadbirlarni kuchaytirish, bo‘sh vaqtni mazmunli tashkil etish masalalariga alohida e’tibor qaratildi.

️Shuningdek, ota-onalarning farzandlar tarbiyasidagi mas’uliyati, yoshlarni vatanparvarlik ruhida tarbiyalash, ularni turli salbiy ta’sirlardan asrash borasida fikr almashildi.

Deputat tomonidan ko‘tarilgan masalalar ijrosi nazoratga olinib, aholi bilan ochiq va konstruktiv muloqotni davom ettirish muhimligi ta’kidlandi.