Xalq deputatlari Taxiatosh tumani Kengashi va “Madad” nodavlat notijorat tashkiloti o‘rtasida o‘zaro hamkorlik memorandumi imzolandi.

Mazkur kelishuvning asosiy maqsadi — aholiga bepul birlamchi yuridik yordam ko‘rsatish, fuqarolarning huquqiy ongi va huquqiy madaniyatini oshirish, shuningdek mahalliy vakillik organlari faoliyatini huquqiy jihatdan qo‘llab-quvvatlashdan iborat.

🤝 Hamkorlik doirasida:

🔹 fuqarolar uchun bepul huquqiy maslahatlar tashkil etiladi;

🔹 huquqiy targ‘ibot va tushuntirish ishlari kuchaytiriladi;

🔹 murojaatlar bilan ishlash samaradorligi oshiriladi;

🔹 mahalliy Kengash faoliyatiga huquqiy ko‘mak ko‘rsatiladi.

✒️ Ushbu memorandum aholining huquqiy himoyasini mustahkamlash va jamiyatda qonuniylik tamoyillarini yanada qaror toptirishga xizmat qiladi.