Davlat rahbarining Toshkent shahri, xususan Chilonzor tumanida xavfsiz muhit va jinoyatdan holi hudud yaratish boʻyicha bergan topshiriqlari ijrosi doirasida tuman miqyosida keng qamrovli va manzilli chora-tadbirlar amalga oshirilmoqda. Ushbu ishlar “poytaxt namunasi” sifatida huquq-tartibot, profilaktika va ijtimoiy hamkorlikni uygʻunlashtirgan holda tashkil etilmoqda.

Xususan, topshiriqqa asosan Chilonzor tumani hokimligida aholining barcha yoʻnalishdagi murojaatlariga zudlik bilan munosabat bildirish va koʻrib chiqish holatini, kriminogen vaziyatni real vaqt rejimida tezkor monitoring qilish imkoniyatini beruvchi Vaziyatlar markazi tashkil etildi.

Joriy yilning 25-fevral kuni Oliy Majlis Qonunchilik palatasi deputati Durbek Axmedov va xalq deputatlari Chilonzor tuman Kengashi deputatlari kotibiyati mudiri Lola Murotova va deputat Alisher Miryunusovlarning o'rganish manzillari Chilonzor tumani hokimligi bo‘lib, u yerda zamonaviy vaziyatlar markazi

Chilonzor tumani idoralararo tezkor shtabi bo'ldi.

Markazda 7 ta tashkilotlar ichki ishlar organlari, ijtimoiy xizmatlar, kommunal tashkilotlar va tibbiyot muassasalari vakillari tunu kun ishlaydilar. Asosiy vazifa — xizmatlarning harakatlarini muvofiqlashtirish, kriminogen vaziyatni nazorat qilish, jamoat xavfsizligini ta’minlash va aholi murojaatlariga o‘z vaqtida javob berishdir.

Xalq vakillariga ma'sul xodimlar tomonidan to'liq ma'lumotlar berilib, amalga oshirilgan ishlar bilan tanishtirildi.