Deputat va mahalla yettiligi hamkorligi.

        Xalq deputatlari Bag‘dod tumani Kengashi deputati S.Egamnazarova Cheksaroy mahalla fuqarolar yig‘inida “mahalla yettiligi” vakillari bilan uchrashuv o‘tkazdi. Muloqot davomida mahallani ijtimoiy-iqtisodiy rivojlantirish bo‘yicha dolzarb masalalar muhokama qilindi, mavjud muammolar va ularni hal etish bo‘yicha takliflar tinglandi.

       Shu bilan birga, deputat tomonidan hududdagi ijtimoiy soha obyektlariga tashrif buyurilib, kuz–qish mavsumiga tayyorgarlik jarayonlari o‘rganildi. Xususan, maktab va maktabgacha ta’lim muassasalarda isitish tizimining holati, ularning to‘liq va uzluksiz ishlashi uchun yaratilgan sharoitlar shuningdek, sog‘lom ovqatlanish ovqatlarning kunlik menyu asosida tayyorlanishi, gigiyenaga rioya qilinishi ko‘zdan kechirildi.

       Uchrashuv yakunida aniqlangan masalalar bo‘yicha muammolarni bartaraf etish yuzasidan amaliy choralar belgilandi.