Bugun, 25 sentyabr kuni Mirobod tumani hokimligida Xalq deputatlari Mirobod tumani Kengashining navbatdagi 15-sessiyasi o‘tkazildi. 

Sessiya ishida Oliy Majlis Qonunchilik palatasi deputati Gulruh Agzamova, xalq deputatlari tuman kengashi deputatlari, tashkilotlar rahbarlari ishtirok etdi. Yig‘ilish onlayn tarzda jamoatchilik uchun jonli efirda namoyish etildi.

Kun tartibida tuman hududidagi bir qator muhim yo‘nalishlardagi ijro faoliyati yuzasidan mas’ul tashkilot rahbarlarining hisobotlari tinglandi. 

Jumladan:

️Tuman Adliya bo‘limi,

️“Inson” ijtimoiy xizmatlar markazi,

️Tuman tibbiyot birlashmasi,

️Sanitariya-epidemiologik osoyishtalik bo‘limi,

️Iqtisodiyot va moliya bo‘limi rahbarlari 2025-yilning birinchi yarim yilligida amalga oshirilgan ishlar to‘g‘risida atroflicha hisobot berdilar.

Har bir masala yuzasidan deputatlar tomonidan asosli savollar berildi, amaliy taklif va tashabbuslar bildirildi. Sessiya yakunida muhokama qilingan barcha masalalar yuzasidan tegishli qarorlar qabul qilindi.

Sessiya davomida Oliy Majlis Qonunchilik palatasi deputati Gulruh Agzamova tomonidan mamlakatimizda korrupsiyaga qarshi kurashish sohasida amalga oshirilayotgan keng ko‘lamli islohotlar yuzasidan fikrlar bildirildi. 

Xususan:

️“O‘zbekiston – 2030” strategiyasida belgilangan ustuvor vazifalar,

️Davlat organlari faoliyatida ochiqlik va hisobdorlikni ta’minlash,

️Manfaatlar to‘qnashuvini bartaraf etish mexanizmlari xususida to‘xtalib o‘tildi.

Shuningdek, turli sohalarda korrupsiyaga qarshi kurash chora-tadbirlarini kuchaytirish, muammolar va amaliy yechimlar bo‘yicha bir qator takliflar ham bildirildi.

Yig‘ilish so‘ngida, sessiya — Mirobod tumanida amalga oshirilayotgan ijtimoiy-iqtisodiy islohotlarning samaradorligini oshirish, aholi manfaatlariga xizmat qiluvchi tashabbuslarni qo‘llab-quvvatlashga qaratilgan muhim siyosiy platforma sifatida baholandi.