Milliy qadriyatlar – bu avloddan-avlodga o‘tib kelayotgan buyuk ma’naviy meros, ular xalqimizning
axloqiy qiyofasini belgilab beradi. Halollik, mehmondo‘stlik, kattalarga hurmat, kichiklarga g‘amxo‘rlik, oilaga vafo, vatanga muhabbat kabi fazilatlar o‘zbek xalqining milliy qadriyatlaridir. Ularni yo‘qotmaslik – har bir fuqaroning muqaddas burchidir. Maktabgacha va maktab ta’limiga qarashli 8-umumta’lim maktabida O‘zbekiston "Adolat" SDP tomonidan "Xon atlas" oyligi doirasida Xalq deputatlari Jalaquduq tuman Kengashi deputati O.Xolmurodova tashabbusi bilan tadbir o‘ztkazildi. Tadbirda deputat milliy libos – bu xalqning ma’naviyati, madaniyati va zeb-ziynati ifodasi ekanligi ayniqsa yoshlarimiz kiyinadigan milliy liboslar nafaqat hashamat, balki hayo va poklik ramziligi bu liboslarda insonning o‘zini tutishi, jamiyatdagi o‘rni va o‘zligini namoyon etish qobiliyati yashirilganligi to‘g‘risida fikrlarini bildirdi. Shu bilan birga deputat milliy kiyim – bu shunchaki urf emas, bu madaniyatning bir qismiligi to‘g‘risida o‘quvchilarga tushuncha berdi. Davra
suxbatidan ko‘zlangan maqsad yosh avlodda milliy g‘urur xissini uyg‘otish, milliy urf odat va an’analar bilan birga umuminsoniy axloq qoidalarini, umum e’tirof etilgan did va qarashlarni shakllantirishdan iborat.