Usı jıldıń 17-iyun kúni Prezident
Shavkat Mirziyoyev "Oraylıq Aziya - Qitay"
sammitinde qatnastı hám bayanat oqıdı.  

 Prezidentimiz óz bayanatında Qitay
Xalıq Respublikası baslıǵı húrmetli Si Tszinpin mırzalarına region mámleketleri
menen doslıq hám sheriklikti bekkemlewge qatań sadıqlıǵı ushın minnetdarshılıq
bildirildi. 

“Qitay hám Oraylıq Aziya
mámleketlerin óz-ara húrmet, óz-ara isenim hám óz-ara járdemge tiykarlanǵan kóp
ásirlik doslıq hám sheriklik sabaqları hám de jaqın baylanıslardı ornatıw hám
joqarı sapalı sheriklikti rawajlandırıwǵa bolǵan umtılıw baylanıstırıp turadı”,
degen sózlerińizdi tolıq qollap -quwatlayman. 

 Shóllniwden eskertiw, bilimlendiriw tarawında
sheriklik, kambaǵallıqqa qarsı gúresiw boyınsha qospa oraylar, sonıń menen
birge, Oraylıq Aziya hám Qitay úzliksiz sawda platforması jumısqa túsirilgenin
alǵıslayman. Bul mexanizmler mámleketlerimiz arasındaǵı óz-ara ámeliy
sheriklikti keńeytiwge múmkinshilik beredi. Ózbekstan bunday strukturalar
iskerligin shólkemlestiriw hám rawajlandırıwda aktiv qatnas etiw niyetinde,-
dep atap ótti húrmetli prezidentimiz. 

 Qitay oyshılları aytqanları sıyaqlı : “Kimde
kim dosları menen birge qádem taslasa, uzaqqa baradı”. 

 Biz Siandagi dáslepki tariyxıy sammitimizden
keyin saldamlı nátiyjelerge eristik. Joqarıda aytıp ótkeni sıyaqlı, sheriklikti
kóp dárejede muwapıqlastırıwdı támiyinleytuǵın kotibiyat dúzildi. 

 Analizler Oraylıq Aziya mámleketleriniń Qitay
menen ulıwma sawda aylanbası ósip baratırǵanın kórsetip atır. Bıyılǵı jılda bul
kórsetkish derlik 100 milliard dollarǵa jetedi. Qospa kárxanalar hám joybarlar
sanı bolsa 10 mıńnan asadı. 

 Sol qatnas menen búgin mámleketlerimiz
arasındaǵı máńgi jaqsı qońsıshılıq, doslıq hám sheriklik tuwrısındaǵı
shártnamanıń qabıl etiliwin tariyxıy waqıya, dep esaplayman. Bul hújjet
regionlıq turaqlılıqtı támiyinlewge qosqan ulıwma úlesimiz bolıp qaladı.
Shártnamanı ámeliy tárepten bekkemlewde anıq mexanizm hám joybarlardı qamtıp
alǵan uzaq múddetli sheriklik kontseptsiyasın qabıllaw zárúrli áhmiyetke iye. 

Sol qatnas menen infratuzilmalarǵa
tiyisli baslamalardı ilgeri jıljıtıwda nátiyjeli platformaga aylanıwı múmkin
bolǵan “Oraylıq Aziya - Qitay” rawajlanıw fondın shólkemlestiriw etiw múmkinshiliklerin
kórip shıǵıw maqsetke muwapıq bolıp tabıladı. 

 Oraylıq Aziya hám Qitaydıń transport
salasındaǵı óz-ara baylanıslılıǵın rawajlandırıw taǵı bir ústin turatuǵın
jónelis esaplanadı. “Qitay - Qırǵızstan - Ózbekstan” temirjolı qurılısı
baslanǵanın Yevroosiyo mákanında jańa transport hám tranzit kommunikatsiyaları
sistemasınıń zárúrli elementi, dep esaplaymız. 

 Húrmetli prezidentimiz Ózbekstan ashıq
baylanısqa, “Oraylıq Aziya - Qitay” formatındaǵı pragmatik hám óz-ara mápli
sheriklikti keńeytiwge sadıq ekenligin atap ótti.  

Isenimim kámil, bunday sheriklik
mámleketlerimiz hám xalıqlarımız párawanlıǵı hám gúlleniwine xızmet eteri
sózsiz. 

1-“Jılwan jap” saylaw okruginen
Xalıq deputatları Kegeyli rayonlıq Keńesi deputatı 

   Nıshanova Nazokat Maxmutjanovna