Bugun Karmana tumani hokimi, xalq deputatlari Karmana tumani Kengashi raisi Valijon Adizov, tuman hokimi o‘rinbosari Elyor Kenjayev hamda tegishli mas'ul tashkilot rahbarlari tuman tibbiyot birlashmasi koʻp tarmoqli markaziy poliklinikasi, Narpay hamda Jaloyir hududidagi oilaviy poliklinikalar, oilaviy shifokorlik
punktlarida bo‘ldilar. 

Ushbu tashrif "Dolzarb 90 kun" loyihasi doirasida amalga oshirilayotgan ishlarning bir qismi bo‘lib, tibbiyot
muassasalarida rejalashtirilgan ta'mirlash jarayonlari bo‘yicha dastlabki o‘rganishlar olib borildi. 

Tuman hokimi tomonidan mas’ullarga ta'mirlash ishlarini sifatli va belgilangan muddatlarda yakunlash, tibbiyot muassasalarida
aholiga qulay sharoitlar yaratish, tibbiy xizmatlar ko‘rsatish sifati va samaradorligini yanada oshirish bo‘yicha aniq topshiriqlar berildi.