Xalq deputatlari tuman Kengashi deputati A.Isroilov tomonidan Havotog‘ QFY Uchturg‘on qishlog‘idagi avtobekatning holati joyiga chiqib ko‘zdan kechirildi.

O‘rganish davomida avtobekatning umumiy holati, yo‘lovchilar uchun yaratilgan sharoitlar, obodonlashtirish va sanitariya holati, shuningdek, fuqarolarning transport vositalarini kutishi uchun qulayliklar masalasiga e’tibor qaratildi.

Shuningdek, avtobekat atrofidagi hududni tartibga keltirish, yo‘lovchilar uchun xavfsiz va qulay sharoit yaratish, mavjud kamchiliklarni bartaraf etish hamda hudud obodonligini ta’minlash masalalari yuzasidan fikr almashildi.

Avtobekatning tartibli va foydalanishga qulay holatda bo‘lishi, avvalo, aholining kundalik ehtiyojlari va harakatlanish qulayligi bilan bevosita bog‘liq. Shu bois aniqlangan masalalarni tegishli tartibda hal etish bo‘yicha zarur tavsiyalar bildirildi.