“Sayram” mahallasida ijtimoiy xodim bilan ish yo‘nalishlari muhokama qilindi

Xalq deputatlari Mirzo Ulug‘bek tumani Kengashi kotibiyati mudiri, Kengashning 6-Sayram okrugi deputati Shoanvar Shomaxmudov “Sayram” mahallasida ijtimoiy xodim bilan uchrashuv o‘tkazib, mahallada ijtimoiy himoyaga muhtoj aholi qatlamlarini qo‘llab-quvvatlash, fuqarolarning muammolarini o‘rganish hamda ularga manzilli yordam ko‘rsatish borasidagi ish yo‘nalishlari muhokama qildi.

Suhbat davomida ehtiyojmand oilalar, yolg‘iz keksalar, nogironligi bo‘lgan shaxslar va ijtimoiy ko‘makka muhtoj fuqarolar bilan ishlash, ularning murojaatlarini o‘z vaqtida hal etish hamda mavjud imkoniyatlardan samarali foydalanish masalalariga alohida e’tibor qaratildi.

Uchrashuv yakunida ijtimoiy xizmatlar samaradorligini oshirish, aholi bilan manzilli ishlash va fuqarolarning muammolariga o‘z vaqtida yechim topish yuzasidan kelgusidagi vazifalar belgilab olindi.

Maqsad — aholining ijtimoiy himoyasini kuchaytirish va har bir fuqaroga zarur ko‘makni o‘z vaqtida yetkazish.