#deputatlik_nazorati_Uchtepa #haftalik_ish_reja_doirasida

193-SONLI MAKTABDA INKLYUZIV TA’LIM UCHUN YARATILGAN SHAROITLAR O‘RGANILDI

📁 Xalq deputatlari Uchtepa tumani Kengashining 2026-yil 20-iyuldagi III-31-62-14-202-K/26-sonli qarori ijrosi doirasida 193-sonli umumta’lim maktabida nogironligi bo‘lgan bolalar uchun yaratilgan sharoitlar deputatlik nazorati tartibida o‘rganildi.

💼 O‘rganishda Kengash kotibiyati mudiri Anvar Usmanov hamda kotibiyat bosh mutaxassisi Umidbek Abilov ishtirok etdi.

⚠️ Jarayonda maktabda inklyuziv ta’lim uchun ajratilgan o‘quv xonalari, ularning moddiy-texnik jihozlanishi hamda yo‘laklarda o‘rnatilgan harakatlanishga ko‘maklashuvchi tutqichlar holati ko‘zdan kechirildi. Ayrim yo‘laklardagi tutqichlar talab darajasida o‘rnatilmagani, shuningdek, ajratilgan o‘quv xonalari uchun zarur jihozlar hali to‘liq yetkazib berilmagani aniqlandi.

📝 Aniqlangan kamchiliklarni bartaraf etish, tutqichlarni belgilangan talablarga muvofiq o‘rnatish hamda zarur jihozlarni yetkazib berish ishlarini jadallashtirish yuzasidan mas’ullarga tegishli topshiriq va tavsiyalar berildi.

📇 Mazkur yo‘nalishdagi ishlar nogironligi bo‘lgan bolalarning ta’lim olish huquqini ta’minlash hamda maktabda xavfsiz va qulay muhit yaratish maqsadida deputatlik nazoratida davom ettiriladi.