📌 Viloyat Kengashi deputati ishtirokida yoshlar tarbiyasi va jinoyatchilikning oldini olish masalalari muhokama qilindi

✅ Jomboy tumanidagi 56-ixtisoslashtirilgan umumta’lim maktabida yoshlar tarbiyasi, huquqbuzarliklarning oldini olish hamda voyaga yetmaganlar o‘rtasida uchrayotgan salbiy holatlarni bartaraf etish masalalariga bag‘ishlangan uchrashuv bo‘lib o‘tdi.

➡️ Tadbirda Xalq deputatlari Samarqand viloyati Kengashi deputati Nodira Baratova, tuman hokimi o‘rinbosari Jahongir Haqberdiyev, ta’lim sohasi mutasaddilari, nuroniylar hamda huquqni muhofaza qiluvchi organlar vakillari ishtirok etdi.

🌀 Uchrashuv davomida yoshlar o‘rtasida giyohvandlik va psixotrop moddalar tarqalishining oldini olish, bolalarning nazoratsiz qolishiga sabab bo‘layotgan omillarni bartaraf etish, ularning bo‘sh vaqtini mazmunli tashkil etish hamda huquqiy madaniyatini yuksaltirish masalalari muhokama qilindi.

💬 Shuningdek, o‘quvchilarning yo‘l harakati qoidalariga amal qilishi, darslarga muntazam qatnashuvi, ma’naviy-axloqiy tarbiyasi va ota-onalar mas’uliyatini kuchaytirish zarurligi alohida ta’kidlandi.

‼️ Tadbirda farzand tarbiyasiga befarq bo‘lmaslik, yoshlarni turli salbiy ta’sirlardan asrash hamda ularni Vatanga sadoqat va daxldorlik ruhida voyaga yetkazish bugungi kunning eng muhim vazifalaridan biri ekani qayd etildi.