GIYOHVANDLIKKA QARSHI BIRGALIKDA KURASHAMIZ

Uychi tumanidagi 25-sonli umumiy o‘rta ta’lim maktabining 11-“A” sinfida “Kelajak soati” mashg‘uloti doirasida yoshlar o‘rtasida giyohvandlikning oldini olishga qaratilgan targ‘ibot tadbiri tashkil etildi.

Tadbir 23-Ezgu­lik saylov okrugi deputati M. Xolmirzayeva tomonidan Yoshlar masalalari guruhi bilan hamkorlikda tashkil etildi.

Unda O‘zbekiston Respublikasi Prezidentining PQ-207-son qarorining mazmun-mohiyati o‘quvchilarga tushuntirilib, “Biz giyohvandlikka qarshimiz” mavzusidagi videorolik namoyish etildi.

Shuningdek, yoshlar ishtirokida giyohvandlik, uning inson salomatligi, ta’lim olishi, oilasi va kelajagiga salbiy ta’siri hamda bunday illatlarning oldini olish masalalariga bag‘ishlangan ochiq muloqot va tushuntirish suhbati o‘tkazildi.

Suhbat davomida yoshlarni turli zararli odatlardan asrash, ularning bo‘sh vaqtlarini mazmunli tashkil etish, sport va foydali mashg‘ulotlarga keng jalb qilish, sog‘lom turmush tarziga amal qilishning ahamiyati alohida ta’kidlandi.

Tadbir yakunida o‘quvchilarga giyohvandlikning salbiy oqibatlaridan ogoh bo‘lish, tengdoshlarini ham bunday illatlardan qaytarish hamda sog‘lom va farovon kelajak uchun mas’uliyat bilan harakat qilish yuzasidan tavsiyalar berildi.

Bunday targ‘ibot va profilaktik tadbirlar kelgusida mahalla ko‘chalari, ta’lim muassasalari va yoshlar o‘rtasida muntazam davom ettiriladi.

📌 Maqsad — yoshlarni giyohvandlik kabi zararli illatlardan asrash, ularning huquqiy va ijtimoiy bilimlarini oshirish hamda sog‘lom turmush tarzini targ‘ib qilish.