Sharof Rashidov tumanidagi 10-sonli umumiy o‘rta ta’lim maktabida o‘quvchi qizlar ishtirokida “Erta nikoh va erta tug‘ruqning salbiy oqibatlari” mavzusida davra suhbati tashkil etildi.
Tadbirda Xalq deputatlari Sharof Rashidov tuman Kengashi raisi Akbarova Shoira O‘ktamovna hamda tuman Oila va xotin-qizlar bo‘limi boshlig‘i L.Mamayunusova ishtirok etdi.
Suhbat davomida qizlarning ta’lim olishi, zamonaviy kasb-hunarlarni egallashi, kelajakdagi hayot yo‘lini ongli ravishda belgilashi hamda o‘z huquq va manfaatlarini bilishi muhimligi ta’kidlandi.
Shuningdek, erta nikoh va erta tug‘ruqning huquqiy, ijtimoiy hamda salomatlik bilan bog‘liq oqibatlari yuzasidan tushuntirishlar berildi.
O‘quvchi qizlarning murojaat va takliflari tinglanib, ularni qiynayotgan masalalar yuzasidan tegishli tavsiya va tushuntirishlar berildi. Aniqlangan muammolarni tegishli tashkilotlar bilan hamkorlikda hal etish bo‘yicha vazifalar belgilab olindi.