Xalq deputatlari Qo‘qon shahar Kengashi deputatlari A.Nosirov va Sh.Rasulovalar tomonidan fuqarolar murojaati asosida 29-sonli maktabgacha ta’lim tashkilotida o‘rganish ishlari olib borildi.

O‘rganish davomida mazkur maktabgacha ta’lim tashkiloti 2025-yilda kapital ta’mirlanib, zamonaviy ko‘rinishga keltirilgani, guruh xonalari zarur jihozlar bilan to‘liq ta’minlangani hamda tarbiyalanuvchilar uchun qulay sharoitlar yaratilgani aniqlandi.

Shu bilan birga, bino tom qismida ta’mirlash ishlari to‘liq amalga oshirilmagani sababli yog‘ingarchilik vaqtida yuqori qavatdagi xonalarga yomg‘ir suvlari sizib o‘tayotgani ma’lum bo‘ldi. Mazkur holat ta’lim jarayoniga salbiy ta’sir ko‘rsatishi hamda binoning texnik holatiga zarar yetkazishi mumkinligi qayd etildi.

Aniqlangan kamchilikni bartaraf etish, bino tom qismini ta’mirlash va muammoni qisqa muddatlarda hal etish yuzasidan tegishli mas’ul tashkilotlarga deputatlik so‘rovi yuborildi.

Xalq deputatlari Qo‘qon shahar Kengashi