Olmaliq shahar “Uvaysiy” mahallasi hududida chiqindilarni grafik asosida olib chiqib ketilish holati hamda hududning umumiy sanitar holati yuzasidan deputatlik nazorat tadbiri o‘tkazildi.

Nazorat tadbirida Xalq deputatlari Olmaliq shahar Kengashi deputati Faxriddin Matasimov hamda Kengash kotibiyati mudiri Sevar Qodirova,  bosh mutaxassisi Mukarram Nematullayeva ishtirok etdi.

O‘rganish natijalari shuni ko‘rsatdiki:
🔹Ba'zi hududlarda chiqindilarni olib chiqib ketish grafigi buzilishi holatlari kuzatilgan;
🔹Mahallaning obodonlashtirish va tozalik ishlarida sustkashlikka yo‘l qo‘yilgan.
⚠️ Natija: Aniqlangan kamchiliklar yuzasidan mas’ul tashkilot rahbarlariga qat’iy ogohlantirish berildi. Kamchiliklarni qisqa muddatda bartaraf etish bo‘yicha aniq vazifalar belgilandi.

“Har bir mahalla tozaligi uchun mas’ullar bevosita javobgar. Aholi uchun munosib va toza muhit yaratish — asosiy maqsadimiz,” — deya ta’kidladi deputatlar.