Deputat awıl xojalıǵı tarawında aukcion arqalı satılǵan jer uchastkaların úyrendi

⚡️⚡️Ózbekstan Respublikasınıń 2021-jıl 15-noyabr kúngi “Awıl xojalıǵına mólsherlenbegen jer uchastkaların menshiklestiriw haqqında”ǵı ÓRN-728-sanlı Nızamı tiykarında Xalıq deputatları Shımbay rayonlıq Keńesi 22-sanlı “Kúnxoja” saylaw okrugi ÓzLIDEP partiyası deputatı K.Turımbetov tárepinen rayondaǵı awıl xojalıǵı baǵdarında aukcion sawdaları arqalı satılǵan jer uchastkalarınıń jaǵdayı úyrenildi.

Úyreniw dawamında jer maydanlarınan maqsetli paydalanıw, investiciyalıq joybarlardıń ámelge asırılıwı, óndiris processleriniń jolǵa qoyılǵanı hám jerlerden nátiyjeli paydalanıw jaǵdayına ayrıqsha itibar qaratıldı. Sonday-aq, aukcion jeńimpazları menen sóylesiw ótkerilip, bar mashqalalar hám olardı saplastırıw boyınsha usınıslar dodalandı.

Deputat tárepinen jer resurslarınan aqılǵa uǵras hám nátiyjeli paydalanıw, qabıl etilgen minnetlemelerdiń óz waqtında orınlanıwı jáne awıl xojalıǵı ónimlerin islep shıǵarıwdı bunnan bılay da rawajlandırıw boyınsha tiyisli usınıs hám usınıslar bildirildi.