➡️ Yig‘ilish kun tartibida “Jismoniy tarbiya va sport to‘g‘risida”gi O‘zbekiston Respublikasi Qonunining Quvasoy shahrida ijro etilishi holati bo‘yicha o‘tkazilgan o‘rganishlar natijalari muhokama qilindi.

🔵 O‘rganishlar davomida Quvasoy shahrida aholi, ayniqsa, yoshlar o‘rtasida jismoniy tarbiya va sportni ommalashtirish, sport inshootlarining moddiy-texnik bazasini mustahkamlash hamda mavjud imkoniyatlardan samarali foydalanish holatiga alohida e’tibor qaratildi.

📊 Tadbirkorlik va davlat-xususiy sheriklik asosida sport ob’ektlarini barpo etish, maktab va mahalla sport maydonchalarining bugungi ahvoli hamda sohaga ajratilayotgan mablag‘larning maqsadli sarflanishi tahlil qilindi.

❔ 📣 Muhokamalar davomida deputatlar va viloyat Kengashi huzuridagi Ekspert hamda yoshlar maslahat guruhlari a'zolari tomonidan masalalar yuzasidan taklif va tavsiyalar bildirildi. Yig‘ilish yakunida kun tartibidagi masala bo‘yicha tegishli qaror qabul qilinib, mas'ullarga aniq vazifalar belgilandi.