Olmaliq shahar Kengashi deputati Alisher Samadov tomonidan "Islom Karimov" mahallasida fuqarolarning hayotiy ehtiyojlari bilan bog‘liq murojaatlar ijrosi yuzasidan o‘rganish ishlari olib borildi.
Mahalla hududida tashkil etilgan  avtoturargohni qonuniy talablar asosida xujjatlashtirish bo‘yicha aholidan kelib tushgan murojaat deputat hamda mahalla hokim yordamchisi ishtirokida bevosita joyiga chiqqan holda ko‘zdan kechirildi.
O‘rganish yakunlari bo‘yicha mazkur masalani qonuniy va ijobiy hal etish maqsadida quyidagilar belgilandi:
Hududning texnik imkoniyatlari va shaharsozlik normalari tahlil qilindi;
Murojaatda ko‘tarilgan muammoni bartaraf etish yuzasidan tegishli ijro hokimiyati organlariga deputatlik so‘rovi yuborish bo‘yicha kelishuvga erishildi.
"Deputatlik so‘rovi" — saylovchilarning huquqlari va qonuniy manfaatlarini ta’minlashning muhim huquqiy vositasi bo‘lib, mutasaddi tashkilotlar tomonidan ko‘rib chiqilishi majburiydir.