Deputatlik nazorati: elektr ta’minoti masalasi o‘rganildi

Xalq deputatlari Pastdarg‘om tumani Kengashining 2026-yil 7-apreldagi VII-25-42-7-101-K/26-son qarori asosida Yangiravot mahallasi, Chimboy MFYlarini elektr energiyasi bilan ta’minlovchi 10 kVA F-Uchqara EUTni rekonstruksiya qilish uchun mablag‘ ajratilgan edi.

Mazkur qaror ijrosi yuzasidan Xalq deputatlari Pastdarg‘om tumani Kengashi deputati D. Tuychiyeva tomonidan o‘rganish ishlari olib borildi.

O‘rganish jarayonida hududdagi elektr ta’minoti holati ko‘zdan kechirilib, 10 kVA F-Uchqara EUTni rekonstruksiya qilish ishlari amalda bajarilmagani aniqlandi.

Deputat tomonidan mazkur masala deputatlik nazorati tartibida nazoratga olinib, ajratilgan mablag‘lar hisobidan rejalashtirilgan ishlarning belgilangan tartibda va sifatli amalga oshirilishi yuzasidan tegishli tashkilotlarga deputatlik so'rovi yuborish rejalashtirildi.

⚡️ Deputatlik nazorati — aholi murojaatlari va hududiy muammolar yechimi yo‘lida.