Xalq deputatlari Muzrabot tumani Kengashi huzuridagi ekspert guruhi tomonidan Muzrabot tumani Qizil Yarim Oy jamiyati faoliyatida O‘zbekiston Respublikasining “Nodavlat notijorat tashkilotlari to‘g‘risida”gi Qonuni hamda sohaga oid boshqa normativ-huquqiy hujjatlar ijrosi yuzasidan o‘rganish o‘tkazildi.

O‘rganish davomida tashkilotning qonunchilik talablari asosida faoliyat yuritishi, ustav hujjatlari, boshqaruv organlari faoliyati, moliyaviy hisobotlar, davlat organlari bilan hamkorlik, grant va homiylik mablag‘laridan foydalanish hamda hisobotlarni o‘z vaqtida taqdim etish holatlari atroflicha tahlil qilindi.

O‘rganish yakunlari bo‘yicha qonunchilik talablarining samarali ijrosini ta’minlash, tashkilot faoliyati samaradorligini yanada oshirish hamda mavjud amaliyotni takomillashtirishga qaratilgan tegishli taklif va tavsiyalar berildi.

Bunday nazorat-tahlil tadbirlari mahalliy Kengashning nazorat vakolatlarini samarali amalga oshirish, qonun ustuvorligini ta’minlash hamda fuqarolik jamiyati institutlari faoliyatini yanada rivojlantirilishini ta’minlaydi.