O‘zbekiston Respublikasi Vazirlar Mahkamasining 2026-yil 17-iyuldagi 65-sonli bayonnomasi bilan belgilangan “Dolzarb 40 kunlik” tadbirlari hamda “Mehr-saxovat” oyligi doirasida Yunusobod tumanining “Bo‘zsuv”mahallasida keng ko‘lamli obodonlashtirish ishlari amalga oshirilmoqda.

🇺🇿Xalq deputatlari Yunusobod tuman Kengashi raisi Ravshan Yusupov hamda Xalq deputatlari Yunusobod tuman Kengashi deputatlari ishtirokida, mahalla faollari va mutasaddi tashkilotlar bilan hamkorlikda hududni obod qilish, sanitariya holatini yaxshilash va ko‘kalamzorlashtirish ishlari izchil olib borilmoqda.

👥Mahalla hududida ko‘chalar, ichki yo‘laklar va jamoat joylari tartibga keltirilib, hudud tozalanmoqda, daraxt va yashil maydonlar parvarish qilinmoqda hamda aholi uchun yanada qulay va ozoda muhit yaratish bo‘yicha amaliy ishlar davom ettirilmoqda.

✅Xalq deputatlari Yunusobod tuman Kengashi tomonidan mahallalarni obod qilish, aholi farovonligini ta’minlash va yashash muhitini yanada yaxshilashga qaratilgan bunday amaliy ishlar bundan buyon ham izchil davom ettiriladi.

Bizni kuzatishda davom eting!