Kengash raisi Muqumiy mahallasida bunyodkorlik ishlarini muhokama qildi

Tuman Kengashi raisi N.Abrarov Muqumiy mahallasida O‘zbekiston Respublikasi Prezidentining PQ–298-sonli qarori hamda "Yangi O‘zbekiston qiyofasidagi mahalla" dasturi ijrosi yuzasidan mahalla nuroniylari va aholi vakillari ishtirokida uchrashuv o‘tkazildi.

Hududda tozalik va ozodalikni saqlash, obodonlashtirish ishlarida fuqarolarning faol ishtirokini ta’minlash masalalari yuzasidan tushuntirish ishlari olib borildi. Dastur doirasida, 1800 metr piyodalar yo‘lagi, 1600 metr zamonaviy velosiped yo‘lakchasi, 800 metr asfalt qoplamasi barpo etilmoqda.

Mahallaning ko‘rkiga ko‘rk bag‘ishlaydigan muhtasham kirish arkasi,43 ta tayanchga o‘rnatilgan 86 ta zamonaviy tungi yoritkich (800 metr elektr tarmog‘i), aholining mazmunli hordiq chiqarishi uchun o‘rindiqlar hamda yoshlar va sport ixlosmandlari uchun zamonaviy Workout maydonchasi qurilmoqda.