DEPUTAT NAZORATI OSTIDA QURILISH ISHLARI IZCHIL OLIB BORILMOQDA

Xalq deputatlari Pastdarg‘om tumani Kengashi deputati Mahmud Saidov tomonidan O‘zbekiston Respublikasi Prezidentining PQ–393-sonli qarori asosida investitsiya dasturiga kiritilgan «Temir yo‘l» MFYdagi 47-son maktabgacha ta’lim tashkilotini rekonstruksiya qilish loyihasi doimiy nazoratga olingan.

Mazkur loyiha doirasida mavjud 60 o‘rinli bino o‘rnida 90 o‘rinli yangi zamonaviy maktabgacha ta’lim binosi barpo etilmoqda.

Deputat qurilish maydonida bo‘lib, amalga oshirilayotgan ishlar sifati, belgilangan muddatlarga rioya etilishi, loyiha talabiga muvofiqligini o‘rgandi.

Mas’ul mutasaddilar bilan suhbat o‘tkazilib, aniqlangan masala yuzasidan topshiriqlar berildi.

Yangi maktabgacha ta’lim muassasasining foydalanishga topshirilishi bolajon uchun zamonaviy va qulay ta’lim-tarbiya sharoitini yaratishga xizmat qiladi.

✅ Deputatlik nazorati — sifatli va o‘z vaqtida amalga oshirilayotgan bunyodkorlik ishlarining muhim kafolatidir.