Xalq deputatlari Parkent tumani Kengashiga 1-“Qoraqalpoq” saylov okrugidan saylangan deputat Yergashboyev Baxtiyor Rustamovich tomonidan o‘zi saylangan hudud — “Guliston” mahalla fuqarolar yig‘inida deputatlik nazorati doirasida o‘rganish ishlari olib borildi.O‘rganish davomida “Guliston” MFY hokim yordamchisi M.Mirislomov tomonidan mahallada aholi bandligini ta’minlash, fuqarolarning daromad manbalarini kengaytirish hamda oilalarni kambag‘allikdan chiqarish borasida amalga oshirilayotgan ishlar tahlil qilindi.Jumladan, fuqarolarga tadbirkorlik faoliyatini yo‘lga qo‘yish va daromadlarini oshirish maqsadida ajratilgan imtiyozli kredit mablag‘larining maqsadli va manzilli yo‘naltirilishi, ulardan samarali foydalanish holati hamda kredit asosida amalga oshirilayotgan loyihalarning natijadorligi o‘rganildi.O‘rganish jarayonida oilaviy tadbirkorlikni rivojlantirish dasturlari doirasida fuqarolarga qoramol xarid qilish uchun ajratilgan imtiyozli kredit mablag‘lari hisobidan amalga oshirilgan loyihalar bevosita xonadonlarga chiqib ko‘zdan kechirildi. Kredit mablag‘larining belgilangan maqsadlarda foydalanilgani, xarid qilingan chorva mollari mavjudligi hamda loyihalarning amaliy samaradorligi tahlil qilindi.O‘rganish natijasida mazkur yo‘nalishda amalga oshirilgan loyihalar bo‘yicha ajratilgan imtiyozli kredit mablag‘laridan maqsadli foydalanilayotgani, fuqarolar tomonidan tadbirkorlik faoliyati yo‘lga qo‘yilgani va har bir loyiha o‘z yo‘nalishida samarali faoliyat yuritayotgani aniqlandi.Shuningdek, bunday loyihalarni izchil davom ettirish, fuqarolarning tadbirkorlik tashabbuslarini qo‘llab-quvvatlash, yangi daromad manbalarini yaratish hamda mahalladagi kambag‘al oilalarni kambag‘allikdan chiqarish bo‘yicha ishlarni yanada kuchaytirish yuzasidan tegishli taklif va tavsiyalar bildirildi.Deputatlik nazorati doirasidagi bunday o‘rganishlar aholi bilan bevosita muloqot qilish, joylarda amalga oshirilayotgan ishlarning amaliy natijadorligini baholash hamda fuqarolarni qo‘llab-quvvatlashga qaratilgan dasturlar ijrosini ta’minlashda muhim ahamiyat kasb etadi.