Katput mahallasida amalga oshirilayotgan ishlar o‘rganildi


 

Katput mahalla fuqarolar yig‘inida Oliy Majlis Qonunchilik palatasi deputati R. Shukurov hamda tuman Kengashi Kotibiyat
mudiri A. Yursunovlar tashrif buyurib, "Yangi O‘zbekiston qiyofasidagi mahalla" loyihasi doirasida amalga oshirilayotgan
bunyodkorlik ishlari bilan yaqindan tanishdilar. Tashrif davomida mahallada olib borilayotgan obodonlashtirish, infratuzilmani yaxshilash hamda aholi uchun qulay shart-sharoitlar yaratishga qaratilgan ishlar ko‘zdan kechirildi. Shuningdek, loyiha doirasidagi amalga oshirilayotgan ishlar yuzasidan fikr-mulohazalar almashilib, belgilangan vazifalarni sifatli va o‘z vaqtida
bajarish bo‘yicha tavsiyalar berildi. "Yangi O‘zbekiston qiyofasidagi mahalla" loyihasi doirasida olib borilayotgan
bunyodkorlik ishlari hududlar obodligi va aholi farovonligini yuksaltirishga xizmat qilmoqda.