Uchrashuv davomida mahallada amalga oshirilayotgan ijtimoiy-iqtisodiy islohotlar, aholi murojaatlari bilan ishlash samaradorligi hamda hududdagi dolzarb masalalar atroflicha muhokama qilindi.

Xususan:
ijtimoiy himoyaga muhtoj fuqarolarni qo‘llab-quvvatlash va ularning murojaatlarini tizimli o‘rganish;
kambag‘allikni qisqartirish hamda aholi bandligini ta’minlash;
yoshlarni kasb-hunar va tadbirkorlikka yo‘naltirish;
yosh oilalar o‘rtasida ajrimlarning oldini olish, ularning sabablarini o‘rganish va manzilli choralar ko‘rish masalalari yuzasidan fikr almashildi.

Shuningdek, uchrashuvda fuqaro R.T.T. ning salomatligini tiklash uchun moddiy yordam ajratish masalasi ham ko‘rib chiqilib, ushbu murojaatni ijobiy hal etish bo‘yicha tegishli tashkilotlar bilan hamkorlik qilish yuzasidan kelishib olindi.

Bundan tashqari, aholini doimiy yashash manzili bo‘yicha ro‘yxatga olish va ro‘yxatdan chiqarish jarayonlarida uchrayotgan muammolar fuqarolarga noqulaylik tug‘dirayotgani qayd etildi. Mazkur masalani amaldagi qonunchilik asosida hal etish maqsadida deputat tomonidan tegishli mutasaddi tashkilotlarga deputatlik so‘rovi yuborilishi ma’lum qilindi.

Uchrashuv yakunida mahallada ko‘tarilgan masalalarni bosqichma-bosqich hal etish hamda fuqarolar manfaatlarini ta’minlash bo‘yicha tegishli vazifalar belgilab olindi.

️ Xalq deputatlari Samarqand shahar Kengashi