🏛 Xalq deputatlari Sherobod tumani Kengashining qo‘shma majlisi bo‘lib o‘tmoqda

📋 Ayni vaqtda Xalq deputatlari Sherobod tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiyalarining qo‘shma majlisi bo‘lib o‘tmoqda.

🏫 Majlis kun tartibiga muvofiq, O‘zbekiston Respublikasi Prezidentining 2020-yil 30-iyundagi PF–6017-son "O‘zbekiston Respublikasida yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari to‘g‘risida"gi Farmoni ijrosi yuzasidan Yoshlar ishlari agentligi Sherobod tuman bo‘limining 2026-yil birinchi yarim yilligida amalga oshirilgan ishlari to‘g‘risida tuman Yoshlar ishlari agentligi bo‘limi boshlig‘i Sh. Suvonovning hisoboti eshitilmoqda.

💬 Muhokamalar davomida tumanda yoshlarga oid davlat siyosatini samarali amalga oshirish, yoshlarning bandligini ta’minlash, ularning bo‘sh vaqtini mazmunli tashkil etish, iqtidorli yoshlarni qo‘llab-quvvatlash hamda sohada mavjud muammolarni bartaraf etish yuzasidan deputatlar tomonidan taklif va mulohazalar bildirildi.