Xalq deputatlari Quva tuman Kengashi deputati B.Sharipov hamda tuman
Kengashi kotibiyati bosh mutaxassisi M.To‘xtasinov tomonidan tuman
Kengashi doimiy komissiyalari faoliyati doirasida biriktirilgan Quva tuman
Yo‘llardan foydalanish korxonasi davlat muassasasida manzilli o‘rganish
ishlari olib borildi. 

O‘rganish davomida O‘zbekiston Respublikasining 2007-yil 2-oktyabrda
qabul qilingan “Avtomobil yo‘llari to‘g‘risida”gi O‘RQ–117-son Qonuni
talablarining ijrosi yuzasidan amalga oshirilayotgan ishlar tahlil qilindi. Xususan, avtomobil yo‘llarini
saqlash, joriy va mavsumiy ta’mirlash, ulardan samarali foydalanish hamda yo‘l infratuzilmasini
rivojlantirish bo‘yicha olib borilayotgan chora-tadbirlar o‘rganildi. 

Shuningdek, korxonaning moddiy-texnika bazasi, maxsus texnika va mexanizmlarning holati,
mavjud imkoniyatlardan foydalanish samaradorligi hamda faoliyat davomida uchrayotgan
muammolar mas’ullar ishtirokida muhokama qilindi. 

O‘rganish yakunida aniqlangan kamchiliklar va bildirilgan takliflar “Deputatning
ko‘cha aylanish daftari”ga qayd etildi. Qonun talablarining to‘liq va sifatli ijrosini ta’minlash,
mavjud muammolarni bartaraf etish hamda yo‘l xo‘jaligi tizimi faoliyatini
yanada takomillashtirish yuzasidan tegishli tavsiyalar berildi. Belgilangan
vazifalar ijrosi deputatlik nazoratiga olindi.