#deputat_tashabbusi #deputatlar_nazorati #poytaxtdeputatlari #deputatlik_faoliyati

❗️ Yong‘indan jabr ko‘rgan fuqarolar holidan xabar olindi

🏛 Xalq deputatlari Toshkent shahar Kengashi deputati Inomjon Majidov Yashnobod tumanidagi 48-Behizor saylov okrugi tarkibiga kiruvchi "Behizor" MFYga tashrif buyurib, mahalla faollari, oqsoqollar va fuqarolar bilan uchrashuv o‘tkazdi.

📝 Uchrashuv davomida mahalladagi dolzarb masalalar, aholi turmush sharoiti hamda yaqinda sodir bo‘lgan yong‘in oqibatida jabr ko‘rgan oilalarning bugungi holati atroflicha muhokama qilindi. Shuningdek, deputat mahalla faollari bilan birgalikda yong‘indan zarar ko‘rgan xonadonga borib, fuqarolar bilan bevosita suhbatlashdi va ularning ehtiyojlari hamda murojaatlarini o‘rgandi.

📉 O‘rganish jarayonida yong‘in oqibatida zarar ko‘rgan fuqarolarni vaqtinchalik yashash joyi bilan ta’minlash, ularga zarur ijtimoiy ko‘mak ko‘rsatish hamda mavjud muammolarni qisqa muddatda bartaraf etish masalalariga alohida e’tibor qaratildi. Bu yo‘nalish mahalliy Kengash deputatlarining aholining ijtimoiy himoyaga muhtoj qatlamlarini qo‘llab-quvvatlash va murojaatlariga tezkor yechim topish borasidagi ustuvor vazifalaridan biri hisoblanadi.

📨 Muhokama yakunida aniqlangan masalalarni hal etish maqsadida jabrlangan fuqarolarga amaliy yordam ko‘rsatish hamda mazkur masalalar ijrosini deputatlik nazoratida olib borishga kelishib olindi.

💬 Fuqarolar murojaatlariga befarq bo‘lmaslik, muammolarni joyiga chiqib o‘rganish va ularni amaliy hal etish – deputatlik faoliyatining ustuvor yo‘nalishlaridan biridir.

📱 Telegram 📱 Instagram 📱 Facebook 📱 YouTube 🔎 E-kengash