Baxmal tumanining “Mustaqillik” mahallasida yashovchi aholi xonadonlari atrofini mukammal tartibga keltirish va hududning ekologik qiyofasini yaxshilashga qaratilgan keng qamrovli ishlar boshlab yuborildi.
Xalq deputatlari Baxmal tuman Kengashi deputati D.O’ralova hamda mazkur hududning mahalla yettiligi vakillari bilan hamkorlikda Davlatimiz mustaqilligining 35 yillik shodiyonalari arafasida ommaviy obodonlashtirish tadbirlariga start berildi. Ushbu tashabbuslar doirasida xonadonlar hamda hovlilar atrofidagi piyodalar yo‘laklarini chiqindilardan tozalash, maydonlarini parvarish qilish ishlariga mahalla faollari, nuroniylar va uyushmagan yoshlar birdek hissa qo‘shishmoqda.Bunday hamjihatlikdagi amaliy sa’y-harakatlar mahalla infratuzilmasini yaxshilash barobarida, o‘zaro oqibat va atrof-muhitni asrashga bo‘lgan daxldorlik tuyg‘usini yanada yuksaltirishga xizmat qiladi.