Xalq deputatlari Jalaquduq tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi. Yig‘ilishda Jalaquduq tuman prokuraturasining 2026-yilning 6 oyi mobaynida tumanda qonuniylikni ta’minlash va jinoyatchilik ahvoli yuzasidan axboroti atroflicha ko‘rib chiqildi. Muloqot davomida quyidagi muhim yo‘nalishlarga e’tibor qaratildi: Huquqbuzarliklar profilaktikasi: O‘tgan 6 oy davomida jinoyatchilikning oldini olish hamda hududda jamoat xavfsizligini ta’minlash bo‘yicha amalga oshirilgan ishlar; Qonun ustuvorligi: Fuqarolarning huquq va erkinliklarini himoya qilish hamda qonun buzilishi holatlariga o‘z vaqtida chek qo‘yish; Hamkorlik va ta’sirchan nazorat: Jinoyatchilik va korrupsiyaga sabab bo‘layotgan omillarni aniqlash hamda ularni bartaraf etishda huquqni muhofaza qiluvchi organlar va deputatlar hamkorligini kuchaytirish. Muhokamalar jarayonida komissiya a’zolari tomonidan hududda jinoyatchilikni jilovlash hamda huquqiy targ‘ibot ishlarini yanada jadallashtirish bo‘yicha bir qator takliflar bildirildi. Kun tartibidagi masala yuzasidan doimiy komissiyaning tegishli qarori qabul qilindi.