Samarqand viloyati Kengashi kotibiyati tomonidan navbatdagi tanqidiy-tahliliy yig‘ilish o‘tkazildi

Xalq deputatlari Samarqand viloyati Kengashi kotibiyati tomonidan shahar va tuman Kengashlari kotibiyatlari rahbarlari hamda mutaxassislari ishtirokida Zoom platformasi orqali navbatdagi tanqidiy-tahliliy yig‘ilish tashkil etildi.

🔴 Yig‘ilish davomida hududlarda amalga oshirilayotgan ishlar holati, deputatlik faoliyatini samarali tashkil etish hamda Kengashlar faoliyatini takomillashtirishga qaratilgan dolzarb masalalar muhokama qilindi.

Xususan:

🔹 Deputatlar tomonidan olib borilayotgan o‘rganishlar natijalari va ularning samaradorligi;

🔹 Deputat so‘rovlari ijrosi ustidan nazoratni kuchaytirish hamda murojaatlar bilan ishlash holati;

🔹 Kengash sessiyalarini yuqori saviyada tashkil etish, kun tartibiga kiritilayotgan masalalarning dolzarbligi va sifatini oshirish;

🔹 Qabul qilingan qarorlar ijrosini ta’minlash, ularning natijadorligini muntazam monitoring qilib borish;

🔹 Ijtimoiy tarmoqlardagi rasmiy sahifalarni yuritish, e’lon qilinayotgan materiallarning haqqoniyligi, mazmuni va sifati;

✔️ Muhokamalar davomida har bir yo‘nalish bo‘yicha amalga oshirilayotgan ishlar tanqidiy-tahliliy ruhda ko‘rib chiqilib, aniqlangan kamchiliklarni bartaraf etish, faoliyat samaradorligini oshirish hamda belgilangan vazifalar ijrosini ta’minlash yuzasidan tegishli topshiriqlar berildi.