O‘quv-amaliy seminar tashkil etildi

  

O‘zbekiston Respublikasi Prezidenti Xalq qabulxonasi tomonidan kelib tushgan murojaatlarni qayta o‘rganish, ularni sifatli va ijobiy hal etish, shuningdek, murojaatlar bilan ishlash samaradorligini yanada oshirish maqsadida Oltiariq tumani hokimligi binosida o‘quv-amaliy seminar tashkil etildi. Seminarda O‘zbekiston Respublikasi Prezidentining Oltiariq tumanidagi Xalq qabulxonasi bosh mutaxassisi, tuman hokimligi devonxona mudiri, Xalq deputatlari tuman Kengashi kotibiyati mudiri hamda tumandagi tegishli tashkilot va muassasalarning murojaatlar bilan ishlashga mas’ul xodimlari ishtirok etdilar. Tadbir davomida fuqarolar murojaatlarini
qonunchilik talablari asosida ko‘rib chiqish, murojaatlarning mazmun-mohiyatini chuqur o‘rganish, ularning ijobiy yechimini ta’minlash, ijro intizomi va mas’uliyatni kuchaytirish masalalari yuzasidan atroflicha tushuntirishlar berildi. Murojaatlarni ko‘rib chiqish jarayonida uchrayotgan kamchiliklar tahlil qilinib, ularni bartaraf etish bo‘yicha tavsiyalar berildi.