Yettinchi chaqiriq Xalq deputatlari Boyovut tumani Kengashining navbatdagi yigirma yettinchi sessiyasi kun tartibiga kiritilgan masalalar yuzasidan Kengash huzuridagi Ijtimoiy soha, yoshlar siyosati, madaniyat va sport masalalari bo‘yicha doimiy komissiya yig‘ilishi bo‘lib o‘tdi.

Yig‘ilishda Boyovut tumani “Olmazor” mahallasi fuqarolar yig‘ini raisining mahalla yettiligi faoliyatini muvofiqlashtirish hamda mahalla yettiligi tomonidan amalga oshirilgan ishlar va erishilgan natijalar yuzasidan axboroti eshitildi.

Muhokamalar davomida mahallada aholi muammolarini hal etish, ijtimoiy himoyaga muhtoj fuqarolarni qo‘llab-quvvatlash, yoshlar bandligini ta’minlash, xotin-qizlar bilan ishlash hamda hududni obodonlashtirish borasida amalga oshirilgan ishlar tahlil qilindi. Shuningdek, mavjud kamchiliklar va ularni bartaraf etish bo‘yicha takliflar bildirildi.

Yig‘ilish yakunida kun tartibidagi masala yuzasidan tegishli tavsiyalar ishlab chiqilib, mazkur masalani Xalq deputatlari Boyovut tumani Kengashining navbatdagi sessiyasida ko‘rib chiqish uchun tavsiya etish to‘g‘risida qaror qabul qilindi.